11X12 IKASLE GREBA

11X12 IKASLE GREBA

Aurreko urriaren 11n Espainiako nazio zapalduetako ikasleek deituriko greba, hainbat arrazoiengatik egitea erabaki nuen.

Batetik, nazkatuta nago Europa eta Espainian, jendea merkantzia bezala ikusita, euren onura ekonomikoetarako hartzen dituzten erabakiez. Nortzuk uste dute direla gure eskubideak baldintzatu, urratu eta gure ordez erabakiak hartzeko?

Ez zaie axola, pertsona batek ikasi ezin izateak; bai bizirauteko egiten duen lanarengatik duen denbora ezarengatik; bai bere ikasketak ordaindu ezin dituelako; edota ikasteari utzi egin dion jendea, berdin zaie. Bere buruetan, guzti honekin merkatua egitea dute, horren adibide dira tasen igoerak, beken murriztea eta eskola porrota murrizteko proposatutako erreforma, lotsagarria da.

Gainera, erreforma hauekin, dirua aurreztu edo irabazi ordez asko interesatzen zaien helburu bat lortu dezakete, indibidualismoa bultzatzearena. Hau da, ikastea zailduz ikasleen arteko lehiakortasuna sustatu nahi dute; adibidez, bekak lortzeko nota minimo bat lortu behar bada ikasleak seguruenik ez dituzte euren apunteak bestei pasatuko, bizirauteko lan egiten egonagatik klasera joan ez denari. Horrek, klasearen dinamika apurtu egin ahalko du ikaste-taldeen arteko erlazioa hautsiz. Eta haustura hori, interesatzen zaien beste esparru bat da, azken finean, ikasle bateratu eta antolatuek min gehien egiten dietenak direlako. Horren adibide da nazioarteko ikasle greba honetan emandako erantzuna eta Euskal Herrian azkeneko grebekin Espainiatik bidalitako erreformak gelditu izana.

Bestetik, ikusi da ikasleen grebak tresna oso baliagarriak direla, gero eta ikasle gehiago greba egiteko arrazoiak ulertzen dituenez greba eguneko mobilizazioetara joateko kontzientzia hartu duelako. Hala ere, greba, eguna bera baino gehiago izan behar duela uste dut, aurreko asteetan greba egunerako lanketa eginez; eta ondoren, gatazkatik ateratzeko alternatibak sortuz eta eraikiz, honakoan izan de moduan.

Gainera, asko gustatu zait honakoan zelan planteatu den. Espainiatik ere inposatutako jai eguna ospatu ordez, aurreko egunean ez gara klasera joango inposaketa horiek zalatzeko erabiliko dugulako eta urriaren 12an, berriz, gure eskola eredua eraikiko dugu proposatutako herri eskoletan.